| has gloss | kan: ಲ್ಹೋತ್ಸೆ ಜಗತ್ತಿನ ೪ ನೆಯ ಅತ್ಯುನ್ನತ ಪರ್ವತಶಿಖರ. ನೇಪಾಳ ಮತ್ತು ಟಿಬೆಟ್ ಗಳ ಗಡಿಯಲ್ಲಿರುವ ಲ್ಹೋತ್ಸೆಯ ಮುಖ್ಯ ಶಿಖರವು ೮೫೧೬ ಮೀ.(೨೭೯೪೦ ಅಡಿ) ಗಳಷ್ಟು ಎತ್ತರವಿದ್ದರೆ ಪೂರ್ವ ಉಪಶಿಖರವು ೮೪೧೪ ಮೀ. ಮತ್ತು ಲ್ಹೋತ್ಸೆ ಶಾರ್ ಶಿಖರವು ೮೩೮೩ ಮೀ. ಎತ್ತರವುಳ್ಳವು. ಎವರೆಸ್ಟ್ ಪರ್ವತದ ಸನಿಹದಲ್ಲಿರುವುದರಿಂದಾಗಿ ಲ್ಹೋತ್ಸೆ ಸಾಕಷ್ಟು ಪ್ರಸಿದ್ಧಿ ಹೊಂದಿದೆ. ಇದರ ದಕ್ಷಿಣ ಮುಖವು ಅತಿ ಕಡಿದಾಗಿದ್ದು ಈವರೆಗೆ ಕೆಲವೇ ಪರ್ವತಾರೋಹಿಗಳು ಈ ಮಾರ್ಗದ ಮೂಲಕ ಶಿಖರವನ್ನು ತಲುಪಿರುವರು. ಗಣನೀಯ ಸಂಖ್ಯೆಯಲ್ಲಿ ಪರ್ವತಾರೋಹಿಗಳು ಪ್ರಾಣವನ್ನು ಸಹ ತೆತ್ತಿರುವರು. ೧೯೫೬ರ ಮೇ ೧೮ರಂದೊ ಸ್ವಿಸ್ ತಂಡ ಇಬ್ಬರು ಪರ್ವತಾರೋಹಿಗಳು ಲ್ಹೋತ್ಸೆಯ ಶಿಖರವನ್ನು ಮೊಟ್ಟಮೊದಲ ಬಾರಿಗೆ ತಲುಪಿದರು. |
