| has gloss | epo: Jungmann-placo (Jungmannovo náměstí) estas relative trankvila angulo inter la vigla urbtrafiko, nomata laŭ la plej signifa nacia reviviganto de la 19-a jarcento, Josef Jungmann, kies monumento okupas centron de la placo. La monumento, valora artaĵo, estas verko de arkitekto Ant. Barvitius, la statuon skulptis L. Šimek. La konstruaĵoj estas plejparte mo-dernaj; ni menciu la modernan domon kun turhor-loĝo de arkitektoj K. Roškot kaj Fr. Lehmann el la jaro 1931. La orientflanko de la placo estas fermita per malfrubaroka paroĥestra domo; en la korto troviĝas la preĝejo de Sta Marta sur Neĝo (kostel Panny Marie Sněžné), unu el la plej vidindaj gotikaj preĝejoj en Prago. Fondis ĝin Karolo IV unu tagon post sia kronigo je la ĉeĥa reĝo, samtempe kun la Karmelana monaĥejo (1347). Origine la preĝejo devis atingi ĝis la nuna placo. |